DAVAO CITY – Gitugot na sa lokal nga kagamhanan ang pagpahigayon ug pipila ka mga sports sama sa basketball, volleyball, football, ug frisbee basta motuman lamang sa guidelines sa Davao City Covid-19 Task Force ilalom sa mas relaxed nga restrictionsa Alert Level 2 ang dakbayan sa Dabaw.
Apan, gitin-aw ni Davao city Sports Division Head Mikey Aportadera nga nagpabilin lamang gihapong gidili ang mga sports tournaments ug competitions.
Sumala pa niini ang mga contact sports activities nga tugutan ang alang lamang sa exercise purposes.
Dugang pa ni Aportadera nga ipahibalo sa iyang opisina sa higayon nga adunay revision o dugang regulasyon alang sa guidelines sa contact sports.
Alang sa mga organized sports events, gikanayon ni Aportedera nga kinahanglan nga mohatag ang mga organizers ug proposal pa-unsa himuon ang mga events dungan sa pagtuman sa minimum public health standards.
Ang maong proposals ang isubmiter sa Public Safety and Security Command Center ug sa uban pang hingtungdang buhatan.
Dugang pa ni APortadera nga mohimo pa siya ug dugang assessment ug dugang close contact sports nga mamahimong tugutan ug mamahimong isugyot alang sa approval sa Covid-19 Task Force.
