DAVAO CITY – Nagsilbi nga hagit alang sa mga empleyado sa lokal nga kagamhanan sa Jose Abad Santos sa Davao Occidental nga nagpabiling mga single karong panahona ang pahayag ni Mayor Jason John Joyce nga mohatag kini ug pang-date sa Valentines day.
Gikanayon ni Mayor Joyce, tugutan niya ang mga single nga empleyado sa munisipyo nga maka-leave atol sa Valentines day ug labaw sa tanan hatagan niya kini ug budget nga pang-date sa kantidad nga dos mil ka pesos.
Sa FB page sa mayor kagahapong adlawa, gikanayon niini nga aduna na lamay 5 ka adlaw ang mga LGU- JAS edmployees nga single aron mangita ug ka-date sa Feb 14.
Sa mga buot mo-avail sa nahisgutang tanyag kinahanglan nga mopakta ug kamatuoran nga adunay ka-date pinaagi sa chat o text, kinahanglan nga dili pa uyab ang ka date, walay boyfriend o girlfriend ug labaw sa tanan walay asawa o bana, ug kinahanglan nga sa pagbalik ug trabaho sa Feb 15 adunay ipakita nga picture atol sa actual date, gumikan kay kung wala kinahanglan nga i-refund ang date allowance.
