DAVAO CITY – Natala sumala ang P3.49 billion nga registered investments sa Davao Region sa milabay nga tuig 2021 o adunay pag-ubos nga 29.63% kung itandi sa P4.96 billion nga gi-aprubahan kaniadtong 2020.
Sumala pa kang National Economic Development Authority (NEDA)-Davao director Maria Lourdes Lim nga ang nasinatian nga pag-ubos ang tungod sumala pa sa kawad-on ug investments sa key sectors sa rehiyon.
Gikanayon sab niini nga walay Board of Investments (BOI)-approved projects ang gika-report sa real estate; manufacturing, administrative ug support service activities; electricity, gas, steam, ug air-conditioning supply; ug agriculture, forestry, ingon man sa fishing sa milabay nga tuig.
Nasayran sab kang Lim nga naglaum ang BOI nga moubos ang investment outcomes gumikan sa nagpadayon nga coronavirus disease (COVID-19) pandemic nga mihatud ug dakong impact sa investment dili lamang dinhi sa nasod apan sa tibuok kalibutan.
Hinuon positibo ang gobyerno nga pinaagi sa pagpatuman sa Republic Act 11534, o mas nailang Corporate Recovery and Tax Incentives for Enterprises (CREATE) Act, lauman nga maka-generate pa ug daghanang mga investments ilabi na nga adunay revisions alang sa pagpaubos sa corporate income tax rate diin tumong niini nga mamodernize ang investment incentives sa nasod.
Samtang lauman sumala pa nga musaka sab ang ihap sa micro, small, ug medium enterprises (MSMEs).
Samtang gipahugtan pa karon ang pagpatuman sa Prevent, Detect, Isolate, Treat, Reintegrate, and accelerated Vaccination (PDITR) strategy of the Regional Task Force batok COVID-19 diin langkuban kini sa mga sumbahan aron nga mas ma-promotar ug pagpatuman sa minimum public health standards ingon man ang pagpatuman ug granular lockdowns nga makatabang sa nasod nga maka-recover ang regional economy.
