DAVAO CITY – Lauman sumala pa nga mapahugtan pa ang pagpatuman sa Face Mask Ordinance sa siyudad human nga magdugang ug mga personahe nga motutok sa mga indibidwal nga makalapas niini.
Una ng gibutyag ni Public Safety and Security Command Center (PSSCC) head Angel Sumagaysay target karun sa buhatan nga ma-deputize ang kapin 100 ka mga personahe arun nga mo-assist sa security personnel sa pagpatuman sa maong ordinansa.
Ang mga personahe idestino sa mga kadalanan sa dakbayan ug mga buhatan sa lokal nga kagamhanan kini aron masiguro nga mapatuman ang minimum public health measures.
Sumala pa kang Dr. Michelle Schlosser, tigpamaba sa Davao City COVID-19 Task Force, nga ang dugang mga personahe nga ipakatag ang makatabang sa Security Cluster nga buhaton ang ilang mga assignments gawas sa pagpatuman sa Minimum Public Health Standards (MPHS).
Gikanayong ang mga miyembro sa Response Cluster ang nagpadayag na sa ilang intention nga bansayon ang ilang mga personahe sa pagsikop sa mga masinupakon.
Gilangkuban kini sa Vice Mayor’s Office, City Transportation and Traffic Management Office (CTTMO), Prevention and Enforcement, City Economics Enterprise Office, City Health Office, ug City Tourism Operations Office.
Gikanayong ang mga deputized personnel maoy musikop sa mga dili magsuot ug facemasks ug dili motuman sa social distancing.
Gikanayong ang training schedule alang sa deputized personnel ang ipatuman sa hinanali nga panahon. Ilalom sa Face Mask Ordinance, kadtong mga makasupak ang pahamtangan ug multa nga P500. Padayon karon ang pagpaningkamut sa siyudad sa pagpatuman ug mga lakang nga maka-protektaha sa panglawas ilabi na karon nga nagpabilin pa sab ang bahad sa Covid-19.
