DAVAO CITY – Nakakumpiska ang mga sakop sa TF Bantay Karne sa Mati City ug 82,000 mil nga kantidad sa mga illegal nga karne dihang ilang girumbo ang nag-unang palengke sa lalawigan.
Gikanayong anaa sa 292.2 kilos sa karne/carcasses ang ilang gikumpiska atol sa routine inspection sa pipila ka mga tindahan, malls, ug meat shops sa siyudad.
Kalakip sa narekober ang 194 kilos nga nanimaho na nga karne nga nagkantidad ug P68,870; 30.1 kilos nga chicken meat nga kantidad sa P5,538.04; ug 68.1 kilos sa “hotdog processed meat” nga kantidad sa P8,172 o adunay kinatibuk-ang kantidad nga P82,580.40.
Gikanayong ang usa ka meat shop ang madakpan nga namaligya ug daut na nga karne ang mag-atubang ug kasong kalapasan sa City Ordinance No. 71 series of 2011 ug Republic Act 10536.
Gani aduna sumala pay meat shop nga namaligya nga walay meat inspection certificate, samtang ang uban gipahimangnoan kalabot sa pagbaligya ug luwas nga karne.
Kalakip sab sa ilang gikumpiska ang scalding drum nga anaa sa karaan nga slaughterhouse sa Liberty, Barangay Central sa nahisgutan nga siyudad.
Ang mga gipangkumpiska nga karne ang dali nga gilubong sa City Slaughterhouse Condemnation Facility sa Sitio Sudlon, Brgy. Central.
