DAVAO CITY – Nahimong malinawon ang pagtagbo sa dakbayan sa Chinese New Year kagabie sa dakbayan diin gihimo kini pinaagi sa online.
Kahinumduman nga duruha ka tuig na sab nga walay physical activities ang mga kaigsuonang Chinese nga nanimuyo sa dakbayan gumikan sa nagpabilin nga bahad sa Covid-19.
Apan wala kini nahimong babag aron lamang saulogon ang tradisyon sa mga Chinese apan sama sa nakalabay nga katuigan ug sa uban nga mga aktibidad sa dakbayan, gihimo lamang kini nga online.
Nakighiusa sab sab sa mga Chinese ang mga lumad ug uban pang religious sector sa siyudad kini pinaagi sa video presentation.
Nagpasalamat sab ang mga Filipino-Chinese sa makanunayon nga suporta sa lokal nga kagamhanan sa maong aktibidad.
Kahinumduman nga mismo ang lokal nga kagamhanan ang nagsugyot nga likayan una ang pagtapok-tapok sanglit nagpabilin pa ang bahad sa Covid-19 ilabi na ang bag-ong variant niini nga Omicron diin ubay-ubay na ang natalang kaso dinhi sa dakbayan.
