DAVAO CITY – Hingpit na karon nga gisugdan sa Davao City Council ang paglakip sa booster shot sa nagpadayon nga mobile vaccination hinungdan nga gi-awhag niini ang publiko nga makiglambigit lamang aron nga mabisita kini sa ilang lugar.
Gikanayong laraw sa maong lakang nga mas mapaduol pa ngadto sa katawhan ang pagbakuna arun nga dili na malisdan pa ang mga nahisgutan ilabi na kadtong dili na makaadto sa mga vaccination sites.
Gani, gisugdan ang nahisgutan nga lakang sa City Council sa mga hilit nga dapit sa dakbayan diin abli sab kini alang sa mga walk-ins.
Gawas sa mobile vaccination, gisugdan na sab karon sa buhatan ni Vice Mayor Sebastian Duterte ang door to door vaccination diin tumong sab niini nga mapakusgan pa ang vaccination drive sa dakbayan.
Sumala pa kang Harvey Lanticse, communication staff sa Davao City Vice Mayor’s office nga mas gihatagan nila karun ug pagtagad sa door to door kadtong mga bed ridden ug senior citizen sanglit malisdan na ang mga nahisgutan sa pag-adto sa mga vaccination site.
