DAVAO CITY – Daghanang pamatigayon na sab sa dakbayan sa Davao ang apektado dungan sa gipatuman nga pagsugod sa alert level 3 karung adlawa.
Kahinumduman nga sa Davao region, ang dakbayan sa Davao lamang ang bugtong gipailalom sa mas taas nga alerto kini tungod nabati na ang surge sa covid-19.
Sumala pa kang Dr. Michelle Schlosser, tigpamaba sa Davao City Covid-19 Task Force, sa kasamtangan anaa pa sa maayo ang occupancy rate sa mga hospital bed apan laoman nga musaka pa kini sa umaabot nga mga adlaw.
Hinuon andam matud pa ang dakbayan sa higayon nga adunay pagtaas sa kaso sa mga matakdan ug kagaw.
Ilalom sa alert level 3, ginatugutan ang Intra ug Interzonal movement apan ginadid-an ang 18 anyos paubos ingon man kadtong anaa sa vulnerable sector.
Daghanang mga balay pamatigayon sab karon ang apektado sanglit balik sa 50 porsyento ang tugutan nga makasulod gikan sa 70 porsyento.
Apan adunay mga negosyo ang hugtanon gayud nga ginadili sama na lamang sa mga nagapahigayon ug contact sports sama sa basketball ug daghanan pa.
Padayon ang panawagan karon ni Schlosser sa publiko nga pahimuslan ang kahigayon nga magpabakuna ug magpa-booster shot arun ang igo ang proteksiyon sa panglawas batok sa virus.
