DAVAO CITY – Posibleng lugwayan sa lokal nga kagamhanan ang pagpatuman sa liquor ban sa dakbayan sa mga pampublikong lugar ingon man sa mga licensed venues.
Hinuon mamahimo pa gihapon nga maka-inom niini apan sa pribado lamang nga lugar o sulod sa pinuy-anan.
Apan gikanayon ni Mayor Inday nga wala pa nahisgutan kung ang mga restaurants sa siyudad ang tugtan nga maka-serve ug alcoholic beverages human ang oras nga gitakda sa paghatag niini sa mga kostumer sa pampublikong lugar.
Gitataw sa opisyal nga ang pag-inom sa mga pampublikong dapit mamahimong hinungdan matud pa sa mga panagtapok , paghubo sa facemask ug makighinabi sa uban nga tawo.
Una ng gilagdaan ni Mayor Sara ang Executive Order (EO) No. 59 nga nag-modify sa liquor ban guidelines ug pag-lift sa curfew dinhi sa dakbayan sa Davao kaniadtong Oktubre 26, 2021 hangtud Enero 15, 2022.
Sa nahisgutan nga kamandoan, hugtanon nga ginadili ang pag-serve ug alak sa mga bars, restaurants, sari-sari stores, palengke (wet market), videoke, ug uban pang business establishments; ug pag-inom ug alak sa tanan nga mga public places kalakip na sa mga kadalanan, alleys, pathways ug gawas sa gates.
