DAVAO CITY – Gibutyag sa kasundalohan nga anaa na lamang karon sa duruha ka mga fronts sa New People’s Army ang nahibilin sa Davao Region human ang pagkasikop ug pagtahan sa pipila ka mga dagkong lider niini sa milabay nga tuig.
Sumala pa kang Major General Ernesto Torres Jr., 10th Infantry Division commander, na-neutralized sumala pa sa kasundalohan ang commanding officers, secretaries, political instructors ug finance officers ug pipila ka mga platoon leaders sa rebelde.
Gitataw sab ni Torres nga bugtong Guerilla Fronts 2 ug laing tulo ang nagpabilin human nga 55 niini ang nabungkag na.
Tungod niini, target nila nga ideklara ang rehiyon isip insurgency-free sa bulan sa Marso ning kasamtangan nga tuig.
Positibo ang kasundalohan nga matapos na ang armadong kalihokan ayha mukanaug si Pangulong Rodrigo Duterte sa iyang termino.
