DAVAO CITY – Gumikan sa hugtanon nga pagpatrolya sa mga sakop sa kapulisan sa Panabo, inabagan sa SWAT Team ingon man mga personahe sa 2nd DNPMFC, nakarekober sumala pa sila ug mga ginadili nga paboto atol sa pagtabo sa bag-ong tuig.
Gikanayong mikantidad ug Php 16,220 ang nahisgutan nga mga paboto diin gilusad ang operasyon dungan sa pagpatuman sa firecrackers ban sa RA 7183 (An Act Regulating the Sale, Manufacture, Distribution and Use of Firecrackers and other Pyrotechnic Devices) ug Panabo City Ordinance No. 08, series of 2008.
Una ng nagpasalamat ang mga kapulisan sa Panabo sa gihatag nga kooperasyon ingon man tabang sa katawhan pinaagi sa pagpahibalo aron lamang malampuson ang pagtagbo sa bag-ong tuig sa lalawigan.
Hinuon wala sumala pay natala nga nabuthan ug paboto sa lugar o naangol tungod sa pyrotechnic device.
Nahimong malinawon sab matud pa ang pagtagbo sa lalawigan sa bag-ong tuig sa Panabo gumikan na sab sa hugtanon nga pagmonitor ug pagpatrolya sa kapulisan.
