DAVAO CITY – Nanghinaut ang pipila ka mga residente sa Purok Tinago Matina Crossing ning dakbayan sa Davao nga mahatagan gilayon sila ug hinabang human nga apektado ang ilang panimalay sa pagdahili sa yuta human ang nasinatian nga mga pag-ulan sa milabay nga adlaw gumikan sa epekto sa Bagyong Odette.
Gikanayong anaa sa pito ka mga pamilya ang apektado sa pagdahili sa yuta diin usa ka panimalay ang totally damage samtang adunay usa sab ang natabunan na ang katunga niini.
Una ng nasayran nga nga adunay nasinatian nga pagdahili sa pangpang ang maong lugar diin duruha ka balay ang nahugmak.
Sa pakighinabi kang Ernesto Cabreros usa sa mga nabiktima sa landslide, nga kaadlawon sa milabay nga Huwebes, dihang hinay-hinay na nga nangliki ang pipila ka mga sementado nga flooring hinungdan nga paspas sila nga nangambak ayha hingpit nga nahugmak ang katunga sa ilang panimalay.
Hinuon walay natalang casualty human ang insidente gawas lamang sa mga nadaut nga propedad.
