DAVAO CITY – Gipanubayan na karon sa kapulisan sa Tagum PNP kung si kinsa ang nagbilin sa usa ka bata nga bag-ong gihimugso sa sagbutan nga bahin.
Kahinumduman nga nabulabog ang mga residente kagabie sa Pagsabangan, Tagum City, Davao del Norte, dihang nakaplagan ang bag-ong gihimugso nga batang masuso nga gisulod sa karton og gilabay sa libunan sa maong dapit.
Sumala kang Je Ann Novita, gi-amigas na ang maong bata dihang ila kining nakita nga duna pay inunlan og giputos lang kini sa lampin.
Nakasulat usab sa karton ang pangalan sa bata nga si Baby Xavier Zeek.
Nanawagan karon ang otoridad nga kung adunay nasayran nga bag-ong nanganak sa ilang dapit gilayon kini nga makiglambigit sa otoridad.
Anaa na sa maayong kahimtang ang bata apan padayon nga gi-obserbahan ang kahimtang sa panglawas niini.
