DAVAO CITY – Mikabat na karon sa kinatibuk-ang 253,032 Covid-19 vaccine ang na-administer karon sa dakbayan sa Davao atol sa ikatulong adlawa kagahapon sa “Bayanihan Bakunahan: National Vaccination Day”.
Subay sa partial results nga gipagula official Facebook page of the Department of Health-Davao (DOH-Davao), ang Davao del Norte province ang adunay pinakataas nga ihap sa mga nabakunahan nga anaa sa 84,349, gisundan kini sa Davao del Sur nga adunay 39,244, Davao de Oro – 36,383, Davao Oriental – 31,012, ug Davao Occidental – 9,723.
Sumala pa kang Davao City Vaccination Cluster Head Dr. Josephine Villafuerte, kinahanglan nga makab-ot sa dakbayan ang pagbakuna ug 140,000 doses aron nga hingpit nga maangkon ang herd immunity sa siyudad.
Ang Bayanihan Bakunahan vaccination program nga gisugdan kaniadtong adlaw nga lunes target nga makabakuna ug 15 million ka mga indibidwal latas sa nasod alang sa first ug second doses, pediatric dose alang sa minors, ug booster shots sa mga piniling priority groups.
Una ng gibutyag ni Cabinet Secretary and Acting Presidential Spokesperson Karlo Nograles snga lain pang Bayanihan Bakunahan vaccination program ang gikatakda sa Disyembre 15 hangtud 17, 2021.
