DAVAO CITY – Gikatahapan nga personal nga bangi ang hinungdan sa pagpusil patay sa usaka 35 anyos nga manager sa Tagum Gasul sa Tagum city kagahapong adlawa.
Hinuon, gitutukan usab sumala pa sa kapulisan ang laing pang mga anggolo nganong gipatay ang biktima nga nailang si Mercy Tagaro, minyo, ug residente sa Indangan Buhangin ning dakbayan sa Dabaw.
Subay sa report, alas 5:55 ang takna kagahapon sa hapon natigayon ang pagpamuisl sa Purok Malinawon 1 Briz, Brgy. Magugpo East, Tagum City.
Wala na madala pa sa Rescue Team sa CDRRMO ang biktima sa ospital gumikan kay wala na kini pulso ug pinitik sa kasingkasing nga tataw nga timailhan nga patay na kini gumikan sa daghang mga samad pinisilan nga naangkon sa iyang kalawasan.
Nasayran nga sa wala pa mahitabo ang pagpamusil miabot ang biktima sa nahisgutang dapit bandang alas 5:50 sa hapon.
Gi-parking niini ang iyang motor kilid sa Warehouse (staff house) diin kini ang temporaryong nagpuyo.
Misulod sumala pa kini sa central convenience store aron mopalit sa iyang mga personal nga panginahanglanon ug sa iyang paggawas paingon na unta sa staff house kalit nga miduol ang wala mailhong mga suspect ug gipusil ang biktima sa makadaghang higayon ug paspas nga miikyas saw ala matinong direksiyon.
Nakuha sa kapulisan gikan sa lugar nga nahitabuan ang 6 ka mga basiyo sa bala gikan sa gituohang .45 caliber pistol.
Sa karon nagpadayon pa ang pagpanghipos ug ebidensiya sa kapulisan aron mailhan g madakpan ang mga suspect.
