DAVAO CITY – Mihatag na ug pagtugot ang Davao City Covid-19 Task Force sa pagbalik sa contact sports, apan bugtong gitugutan lamang ang mga vaccinated players sa limitado lamang usab nga mga dula.
Gikanayon ni Davao City Sports Division Chief Mikey Aportadera, mihatag sa ilang go signal ang task force atol sa gipahigayon niining meeting kagahapong adlawa.
Hinuon, gipaabot pa nila ang ang pagpirma ug ang pagpagawas sa resolution uban sa guidelines aron masiguro nga ang mga sports activities o events ang dili mamahimong tinubdan sa infection sa covid 19.
Dugang pa ni Aportadera nga sa karon ang iyang buhatan ang nagbaton pa lamang ug guidelines alang sa basketball, football (soccer), volleyball, ug ultimate frisbee.
Ang nahisgutang mga dula ang alang lamang sa recreational activities ug exercise purposes ug sa kasamtangan pabilin pang gidili ang Major and pocket tournaments.
Sumala pa sa maong opisyal nga ang matag dula ang nagbaton ug kaugalingon nga set of guidelines, apan sa kinatibuk-an ang venue o ang court manatement angayang mosuguro nga ang tanang mga players ang mga fully vaccinated pinaagi sa pag-require sa mga nahisgutan nga ipresneta ang ilang vaccination cards ug SafeDavao QR (DQR) code ug ang tanang mga players angayan usab nga mohimo ug reservation una ang ilang pagdula.
Bugtong mga players lamang ang gitugutan sa playing vicinity ug hugot nga gidili ang mga Spectators o audiences.
