DAVAO CITY – Mukabat sa kapin 4,700 ka mga jeepney driver sa Rehiyon Onse ang makadawat og tag-6,500 pesos nga fuel subsidy gikan sa Land Transportation Franchising and Regulatory Board kon LTFRB XI.
Gikanayon sa Regional Director sa buhatan nga si Nonito Llanos III nga anaa pa ang pondo sa Landbank Central alang sa Pantawid Pasada Program, ug ginahulat na lang nga ma-download kini ngadto sa mga PPP card nga ipanghatag sa mga benepisyaryo.
Nasugdan na sab ang pagpang-apud-apud sa 1-billion pesos nga ayuda sa ubang dapit sa nasud.
Kini ang nakit-ang pamaagi sa nasudnong panggamhanan aron maalibyohan ang nasinatiang suliran sa mga driver nga labihang naapektuhan ang kita tungod sa sagunsong usbaw sa presyo sa petrolyo sa mga milabayng bulan.
Kahinumduman usab nga pipila ka mga transport group nga pausbawan ang minimum nga plete, apan mibabag niini ang Department of Transportation tungod bug-at sab ang maong sugyot sa mga commuter, nga sama sab nilang nanglisod ilabi na sa kwarta tungod sa nagapadayong COVID-19 pandemic.
