DAVAO CITY – Pipila ka mga medical healthcare workers sa siyudad ang nakaangkon na sa ilang anti-Covid booster shots.
Kahinumduman nga gisugdan na sab karon sa lokal nga kagamhanan ang roll out sa anti-Covid booster dose alang sa mga medical healthcare workers kini aron nga mosaka ang immune response batok SARS-CoV-2, nga hinungdan sa coronavirus disease.
Una ng gibutyag ni Davao City COVID-19 Task Force Spokesperson Dr. Michelle Schlosser nga ang booster dose vaccination drive nagsugod na sa Southern Philippine Medical Center (SPMC) sa milabay nga adlaw.
Kalakip sab sumala pa niini ang mga private tertiary hospitals nga naga-dawat ug Covid-19 cases apan ang mga nahisgutan ang mohimo sa ilang kaugalingon nga arrangement ug logistics apan ang gobyerno lamang ang mohatag ug bakuna.
Gitataw sab ni Schlosser nga ang asiyudad adunay igong bakuna alang sa mga healthcare workers kalakip na ang mga city-hired healthcare workers nga nagsilbi sa 18 health districts. Hinuon kinahanglan lamang nga maghulat ang mga city healthcare workers ug final rollout schedule.
Sukad Nobyembre 17, nakatala na ang Davao City Vaccination Cluster ug kinatibuk-ang 57, 520 healthcare workers nga gully vaccinate samtang 62,221 ang nakadawat ug first dose.
Una ng gibutyag ni Schlosser nga ang mga anaa sa priority group A1 mamahimong makapili ug booster dose sa susama nga brand sa primary series (homologous booster) o lain nga brand (heterogenous booster).
