DAVAO CITY – Gibutyag ni Taiwan Bombo international correspondent Benjamin Pan nga nakabase karon sa nahisgutan nga lugar nga normal na nila nga makita ang presensiya sa mga fighter jets ug aircraft sa China nga mosulod sa air defense zone sa lugar.
Kahinumduman nga kini ang hinungdan nga miulbo ang tensiyon tali sa China ug Taiwan human nga gibarugan ni Taiwan President Tsai Ing Wen nga dili sila moyukbo sa bisan unsa man nga nasod ilabi na ang China.
Una ng gibutyag ni Chinese President Xi Jinping iyang i-unify ang Taiwan pabalik sa mainland China apan pabilin nga nagmagahi sa maong sugyot si Wen ug andam sila nga makigbisog sa higayon nga ipagugos kini sa nahisgutan nga nasod.
Nasayran kang Benjamin nga sayud sab karon ang mga residente sa Taiwan nga adunay war ship nga iya US ug Canada nga anaa sa Taiwan Straight hinungdan nga mitipas ang barkong panggubat sa China dihang ila kining namatikdan.
Wala sumala pa karon mibati ug kabalaka ang mga residente sa mga nahimong lakang sa china ilabi na nga dili na bag-o ang gihimo niini nga pagsulod sa ilang mga aircrafts apan gilayon sab dayon kini nga mohawas sa lugar.
