DAVAO CITY – Mihimo na karon ug lakang ang munisipalidad sa Manay, Davao Oriental human nga nakasinate ug outbreak sa diarrhea ang pipila ka mga barangay sa lugar ug anaa na karon sa unom ang natalang namatay.
Sa ulahing report, anaa sa 44 ka mga kaso ang natala diin walo niini ang sa Barangay Guza, 7 sa Barangay Central, 5 sa Barangay Del Pilar, ug 24 sa Barangay Cayawan nga maoy pinakaapektado sa tanan nga mga lugar.
Sa nahisgutan nga kaso, 26 nini ang naka-recover na sa kasamtangan, 10 ang anaa sa ilang panimalay apan padayon nga gi-obserbahan ug duruha ang pabilin nga naka-admit sa Davao Oriental Provincial Hospital sa Manay.
Samtang duruha sa unom ka mga namatay ang nakasinate ug acute renal failure secondary hatud sa grabe nga dehydration.
Hinuon tanan nga mga pasyente ang negatibo sa covid-19 human nga gipailalom ang mga nahisgutan sa Rapid Antigen Test.
Gikanayong Food poisoning ang gitudlong hinungdan sa diarrhea. Gilayon sab karon nga gimando ni Governor Nelson Dayanghirang ang pagpahigayon ug hinanali nga imbestigasyon kung unsa ang hinungdan niini.
Nagpahigayon sab dayon ang Provincial Health Office ug pagbutang ug chlorine sa aqua tabs sa 350 ka mga panimalay.
Sa kasamtangan, gipahimangnoan lamang una ang mga residente nga dili lamang una gamiton ang tinubdan sa ilang tubig ma-inom hangtud nga dili makumpirma nga luwas kini nga imnon.
Nagpahigayon sab ang mga health personnel ug rectal swabbing sa mga residente aron nga masubay kung diarrhea posibleng cholera ang nasinatian sa mga residente.
Una na sba nga gipasalig ni Provincial Health Officer II Dr. Reden Bersaldo nga hugtanon ang ilang koordinasyon sa Rural Health Unit aron nga masolusyonan ang kasamtangang sitwasyon ug dili na madungagan ang mga natalang namatay.
