DAVAO CITY – Nanawagan karon ang Davao City-based Interfacing Development Interventions for Sustainability Inc. (IDIS) ngadto sa mga barangay nga solusyonan ang solid waste pollution sa mga watersheds sa dakbayan nga sagad sumala pa nga hinimuan sa mga trekkers.
Sumala pa kang Atty. Mark Peñalver, IDIS executive director, makatabang sa pagsulbad sa solid waste ang pagpatuman sa hugtanon nga ordinansa aron nga ma-protektahan ang kinaiyahan.
Una ng nasayran kang Peñalver nga ang siyudad adunay walo ka mga nag-unang watersheds.
Gilangkuban kini sa Lasang, Sibulan-Sirawan, Panacan-Bunawan, Talomo-Lipadas, Davao River, Matina-Pangi, Tamugan-Panigan, ug Malagos.
Kahinumduman nga sa gipalabang nga ordinansa sa konseho ning siyudad, kinahanglan nga subayon sa barangay officials ang dala nga mga items sa trekkers aron nga masayran kung wala kini bitbit nga mga ginadiling items nga gilangkuban sa ilimnon, pintura, permanent markers, cigarettes, ug illegal drugs.
Angayan sab sumala pa ma-account ang tanan nga mga single-use plastics kalakip na ang mga pakete ug packaging nga dad-on sa conservation areas.
Angayan sumala pa nga hipuson ang mga plastic nga basura nga kinahanglan kolektahon ayha mobiya sa barangay.
Nasayran sa IDIS nga sulod lamang sa bulan sa Setyembre, nakakolekta sumala pa sila ug 3,704 ka mga mixed wastes atol sa ilang waste ug brand audit sa Panigan River sa Brgy. Tawan-Tawan ug Brgy. Carmen, Lower Tamugan River sa Brgy. Gumalang, ug Davao River sa Brgy. San Rafael.
Ang mga basura ang gilangkuban sa food packaging, plastic bags, PET and glass bottles, toiletries, sachets, medical wastes, ug uban pang mga basura nga gikan sa mga panimalay.
