DAVAO CITY – Gipahibalo sa Land Transportation and Franchising Service (LTFRB 11) nga daghanan ang nakapahimulos sa “Libreng Sakay” service sukad nga gisugdan kini pagbalik karong bulan sa Setyembre.
Gikanayong anaa sa 45,988 ka mga healthcare workers and authorized persons outside residence (APORs) ang nakabenepisyo sa nahisgutan nga lakang.
Gikanayong ang Phase 2 sa “Libreng Sakay” ang nag-tap ug 88 ka mga bus units diin sakop niini ang 20 routes sa Davao Region nga gilangkuban sa Davao City, Davao del Sur, Davao del Norte ug Davao Occidental diin sakop sa destinasyon ang mga nag-unang hospital sama sa Southern Philippines Medical Center (SPMC-Davao City), Davao Regional Medical Center (DRMC-Tagum) ug Davao del Sur Provincial Hospital.
Gi-tap sab sa LTFRB 11 ang pito ka mga bus operators nga ilang ka-parnert sa Phase 2 sa programa, diin nakabenepisyo niini ang 238 ka mga drivers.
Sumala sa LTFRB-11 nga ang libre nga sakay ang usa ka inisyatibo ug klase sa aktibidad ilalom sa Public Utility Vehicles (PUV) Service Contracting Program o kabahin sa lain pa nga programa isip tubag sa crisis experienced sa transportation sector gumikan sa pandemic.
Sumala pa kang Nonito Llanos III, regional director sa LTFRB nga sukad gisugdan ang libre nga sakay sa Davao region sa milabay nga semana, daghanan na ang nakapahimulos niini ug dili lamang kini ang programa sa DOTR ug LTFRB apan programa sa katawhan.
