DAVAO CITY – Sugod kagahapong adlawa, gipailalom na sa Modified Enhance Community Quarantine ang lungsod sa Bansalan, Davao del Sur, samtang ang pito ka mga High Risk barangays niini ang gipailalom usab sa Enhance Community Quarantine kon ECQ.
Gilangkuban kini sa Barangays Poblacion Uno, Poblacion Dos, Tubod, New Clarin, Dolo, Altavista ug Rizal sa nasangpit nga lungsod.
Giaprubahan sa Regional Inter-agency Task Force ang hangyo sa Bansalan IATF nga ipailalom ang ilang lungsod sa MECQ, gawas lang sa pito ka mga barangay nga ipailalom sa ECQ tungod sa taas nga kaso sa COVID-19.
Gitugutan usab sa RIATF ang pagpatuman og granular lockdowns sa mga sitio ug purok sa nasangpit nga lungsod.
Gumikan sa bag-ong klasipikasyon sa Bansalan, gitakdang ipatuman ang “No Dine-in” policy, curfew hours, liquor ban ug mas hugot nga minimum safety protocols.
Mulungtad hangtod sa katapusang adlaw sa Setyembre ang nasangpit nga quarantine status sa lungsod.
