Balay gilamoy sa kalayo

DAVAO CITY – Gisubay pa karon sa otoridad ang kinatibuk-ang damyos sa nahitabong sunog sa YCF Barangay San Antonio Agdao ning dakbayan pasado alas nuebe kaganinang buntag.

Kahinumduman nga daling miresponde ang mga sakop sa kabomberohan human ang nadawat nga impormasyon nga adunay nahitabong pag-ulbo sa kalayo sa lugar.

Gilamoy ang pipila ka mga kabtangan sulod sa panimalay apan dali sab kini nga napakgang.

Giimbestigahan pa sab karon sa otoridad kung unsa ang hinungdan sa sunog.

Hinuon walay natalang casualty o naangol human ang insidente. Padayon ang panawahan sa kabomberohan nga pabilin nga mag-igmat ug kanunay nga i-check ang mga butang nga posibleng tinubdan sa sunog.