DAVAO CITY – Gi-angkon ni Tagum City Mayor Allan Rellon nga tungod sumala pa sa kadaghanan ug mga natakdan ug Covid-19 sa ilang siyudad, pipila niini ang naka-quarantine na lamang sa ilang mga pinuy-anan gumikan kay napuno na ang balay tambalanan.
Sumala pa kang Rellon, nga dihang nasinatian ang pagsaka sa kaso sa Covid-19 sa milabay nga mga bulan okupado na sab ang mga beds sa hospitals ug napuno na sab ang ilang mga quarantine facilities.
Gikanayong sa kapin 1,000 nga nagpositibo, anaa sa kapin 800 niini ang anaa lamang sa ilang panimalay samtang ang uban nadala sa DRMC (Davao Regional Medical Center).
Gani adunay mga pasyente usab nga grabe ang kondisyon ang gipailalom na lamang sa home quarantine ug usa ang namatay sa ilang panimalay samtang naghulat nga madala sa DRMC.
Hinuon gipasalig sa opisyal nga bisan adunay mga pasyente nga anaa sa home quarantine, padayon pa gihapon ang ilang gipahigayon nga monitoring.
Gipaningkamutan sab karon sa lokal nga kagamhanan sa Tagum ang ilang mga lakang aron nga mapugngan ang pagkatag sa virus human nga duruha ka kaso sa Delta variant ang natala sa ilang siyudad.
Usa sumala pa sa mga nahisgutan ang usa ka nurse sa DRMC diin lima sa iyang close contacts ang padayon karon nga gi-obserbahan.
