DAVAO CITY – Subling nagpahimangno karon si Davao City Mayor Inday Sara Duterte-Carpio batok sa mga migamit sa iyang pangalan.
Kahinumduman nga adunay nanggawas nga balita kalabot sa paggamit sumala pa ug eroplano alang sa pagpangampanya.
Una ng gibutyag sa Mayor nga dili siya magduha-duha nga mohimo ug legal nga aksiyon batok sa mga supporters nga mogamit sa iyang pangalan alang sa personal nga transaksiyon.
Gitataw sa Mayor nga wala siya kaila sa lalaki nga anaa sa video nga gikanayong usa ka Gino, Bong Acquia, ug Joseph Ponce sa Ituloy Ang Pagbabago Movement (IPM) 2022.
Makita sa video nga mag-transport sumala pa sila ug mga campaign materials sa Mayor sa higayon nga mokandidato kini sa pagka-Pangulo sa 2022 elections.
Ginayanon sab ni Mayor Inday nga dili nila i-tolerate ang susama nga aktibidad ug mohimo sila ug legal action batok sa mga modaut sa iyang reputasyon bisan pa man nga iya kining supporters.
Kahinumduman nga una ng gi-presenta sa National Capital Region Police Office (NCRPO) ang grupo sa mga scammers nga migamit sa pangalan sa Mayor ingon man ang uban nga mga officials sa ilang illegal nga mga aktibidad.
