DAVAO CITY – Gitino ni Davao City Mayor Inday Sara Duterte-Carpio nga walay ipatuman nga travel ban sa mga biyahedor nga gikan sa Northern Mindanao partikular na sa Cagayan de Oro City.
Tipik lamang kini human ang bag-ohay pa lamang nga anunsiyo sa Department of Health (DOH) nga adunay na-detect nga 16 ka mga kaso sa mas makatakod nga Delta variant sa nasod kalakip na kadtong na-detect lamang dinhi sa nasod.
Gipahibalo sab sa ahensiya nga 11 sa 16 ang gika-report sa nagkadaiyang rehiyon sa nasud diin lima ang natala sa Cagayan de Oro, usa sa Misamis Oriental, duruha sa National Capital Region ug duruha sa Region 3 (Central Luzon) apan gipailalom sa test sa NCR.
Usa sab ang na-detect sa NCR diin namatay na nag pasyente kaniadtong Hunyo 28, 2021.
Gitataw sa Mayor nga wala sumala pay special instructions kalabot sa mga sumbanan nga gipatuman sa mga utlanan aron nga malikayan ang Delta variant nga makasulod sa Davao Region.
Gitataw sab niini nga ang mga biyahedor gikan sa Luzon o Visayas, ang gitambagan nga mopailalom sa swabbing.
Subli sab nga gibutyag sa mayor nga ipatuman pa gihapon ang minimum public health standards sama sa pagsuot ug face mask, social distancing, frequent handwashing ug vaccination aron nga malikayan ang pagsulod sa Delta Variant sa siyudad.
Gani mas maayo sumala pa nga hangtud sa mga panimalay ipatuman pa gihapon ang minimum public health standards.
