DAVAO CITY – Na-rekober ang patay’ng lawas ni Reynaldo Salinas, 76-anyos, usa ka senior citizen, human ang dakong sunog nga milamoy sa mga kabalayan ug sa usa ka eskwelahan sa Punta Dumalag 1, Matina Aplaya, ning Dakbayan sa Davao.
Wala na siya nasalba pa tungod na-trap na kini sulod sa iyang panimalay.
Dako ang kasubo sa iyang kabanay kalabot sa iyang kamatayon.
Gituohang ang napasagdang niluto ang hinungdan sa sunog. Mukabat usab sa 2.6 million pesos ang damyos sa nahitabong kalayo.
Kahinumduman nga 5:01 sa hapon nagsugod ang sunog sa usa ka panimalay sa Punta Dumalag 1 nga dali ra usab mikatag tungod gama sa light materials ang mga gambalay sa dapit. 6:12 sa gabii gihang gideklara nga fire under control ang sunog.
Pasado alas 8 usab sa kagabion dihang gideklara nang fire out ang sunog. 400 ka mga pamilya ang nawad-an usab og panimalay tungod sa paglamoy sa kalayo sa ilang lugar.
