DAVAO CITY – Padayon karon ang panagawan sa Eastern Mindanao Command (Eastmincom) ngadto na sa mga miyembro sa NPA nga mas maayong mobalik na sa sabakan sa kagamhanan ilabi na nga adunay mga programa karon alang sa mga nahisgutan aron nga makasugod na sila pagbalik sa ilang kinabuhi.
Una ng nasayran kang Major Alex Mindalano, tigpamaba sa Eastmincom nga sukad sa bulan sa Enero hangtud na sa Hunyo ning kasamtangan nga tuig, mikabat na sa 345 ka mga rebelde ang mitahan sa gobyerno.
Gani gipailalom na matud pa ang mga nahisgutan sa Enhanced Comprehensive Local Integration Program (E-CLIP) aron nga makasugod sa ilang kinabuhi kauban ang ilang pamilya.
Naglaum na lamang ang opisyal nga hingpit na nilang maangkon ang ilang tumong nga mamahimong insurgency-free na ang rehiyon ayha matapos ang termino ni Pangulong Rodrigo Duterte.
Samtang gipasalig sab ni Department of the Interior and Local Government (DILG)-11 Regional director Alex Roldan nga dili pagsagdan ang mga kanhi rebelde hangtud nga makabangon ang mga nahisgutan.
