DAVAO CITY – Laoman sumala pa nga mas daghanan pa ang mahatagan ug pagtagad nga mga Covid-19 patients sa lalawigan sa Davao del Sur kini human nga hingpit na karon nga magamit ang P5 milyon nga kantidad sa dugang Covid Isolation Facility sa Digos City.
Una ng nasayran nga nahimutang kini sa Brgy. Igpit, sa Digos diin hingpit kini nga gi-turn over sa lokal nga kagamhanan sa milabay nga adlaw.
Gikan sumala pa sa trust fund sa lokal nga kagamhanan ang pundo nga gigahin alang sa katukuran niini. Nasayran nga adunay 82 ka mga lawak ang nahisgutan nga pasilidad hinungdan nga ubay-ubay nga mga pasyente ang mamahimo nga maakomodar niini.
Gipahugtan pa karon sa Digos ang ilang monitoring ilabi na nga nakatala sila kagahapon ug 1,917 ka mga kumpirmadong kaso.
Samtang sa mosunod nga semana, magpadayon ang pagbakuna sa mga lugar nga ipahigayon sumala pa sa G-Mall ug Cor Jesu College vaccination sites.
Hinuon nagpahimangno ang ahensiya nga kinahanglan pa gihapon nga mag-igmat ug motamud sa health protocols sanglit nagpabilin pa gihapon karon ang bahad sa virus.
