DAVAO CITY – Kapin 20,000 essential workers ug miyembro sa transport sector nga sakop sa Priority Group A4 sa dakbayan sa Davao ang nakadawat sa ilang first dose sa anti-Covid vaccine atol sa vaccination drive nga gipahigayon sa lokal nga kagamhanan sugod kagahapong adlawa.
Gikanayong ang Priority Group A4 mao ang mga public ug private school teachers, workers gikan sa tourism sector, private companies, mall employees, ug mga miyembro sa transport sector.
Kahinumduman nga ang rolled out vaccination sa lokal nga kagamhanan alang sa Priority Group A4 ang gipahigayon sa nagkadaiyang vaccination hubs.
Anaa sumala pa sa 2,459 doses ang gigahin sa tourism sector ug Philippine Coast Guard sa Waterfront Insular Hotel; 2,000 doses sa Boysen ug Sasa Warehouse; 3,000 doses sa Davao Colleges ug Universities Network; 3000 doses sa Philippine Women’s College ug University of Mindanao Bolton Campus; 1,300 doses sa Davao Association of College Schools; 1,300 doses sa Ateneo de Davao University; 1,500 doses sa San Miguel Brewery (SMB) workers ug Davao Doctors Hospital (DDH); 4,000 doses sa Department of Education ug nagkadaiyang schools jab sites; 800 sa transport Group ug Agro-Industrial Foundation College; 1,000 sa Chinatown Development Council ug Chong Hua School; ug 4,000 alang sa workers sa Abreeza Mall, Gaisano Mall, SM, ug NCCC Malls.
Subay sa record sa Davao City Covid-19 vaccination program, kinatibuk-ang 257,253 anti-Covid vaccines ang nahatag sa mga indibidwal nga anaa sa Priority Groups A1, A2, A3, A4, ug A5 ning dakbayan diin sa nahisgutan nga ihap, 211,425 niini ang first dose samtang 45, 828 ang sa second dose.
