DAVAO CITY – Gidayeg ni Department of Tourism Secretary Bernadette Romulo-Puyat ang lokal nga kagamhanan sa dakbayan sa Davao ingon man sa Davao Tourism Association (DATA) nga nagkahiusa aron lamang mabakunahan ang tourism workers sa siyudad.
Kahinumduman ang gipahigayon nga pagbakuna sa tourism sector adunay titulo nga ” Bakuna by the Sea”, vaccination drive nga una ng gisugdan sa milabay nga adlaw hangtud karong adlawa, Hulyo 2 sa Waterfront Insular Hotel.
Gikanayong ang inisyal nga 2,000 doses sa bakuna ang gigahin isip jumpstart sa vaccination sa gibana-banaang 7,000 tourism workers ug allied establishments.
Ang mga sakop sa Davao City media ang i-akomodar sab sa massive vaccination activity.
Dugang sa nahisgutan nga gumikan kay ang tourism workers nakighimamat tali sa daghanang mga tawo, angayan sumala pa nga protektahan ang panglawas ug ilang kaluwasan.
Sa oikas nga bahin, gikanayon ni Davao City Tourism Operations Office (CTOO) officer-in-charge Generose Tecson nga atol sa first day sa tourism sector’s vaccination, naka-cater sila ug 500 recipients.
Gi-awhag sab niini ang tourism workers nga magpabakuna ug awhagon ang mga kabanay, higala ug co-workers nga pahimuslan ang kahigayonan aron nga daling maangkon ang herd immunity ug mabalik sa normal ang ekonomiya sa dakbayan.
