DAVAO CITY – Abri na ang bag-ong dog pound sa dakbayan sa dabaw nga mamahimong madawat ug moabot sa 300 ka mga latagaw nga iro.
Gawas niini aduna usab kini animal rehabilitation center ug crematorium nga gilaumang magamit na karong tuiga.
Ang nahisgutang bag-ong dog pound ang gipahimutang sa Barangay Malagos, Baguio district ning dakbayan sa dabaw nga pormal nang nagsugod sa pag-opete niadtong Hunyo 8, 2021.
Gikanayon sa city veretenarian office, sa kasamtangan naa sa 50 ka mga iro ang naa sa nahisgutang dog pound.
Matag adlaw, moabot sa 20 ka mga latagaw nga iro ang mahipos sa CVO gikan sa nagkadaiyang kadalanan sa syudad.
Gikanayon ni Davao city veterenarians office head Dr Sherelyn Pinili, P500 ang bayaran sa tag-iya aron malukat ang ilang binuhing iro, ug dugang 50 pesos usab nga dugang bayaran sa matag adlaw kung dili kini malukat sa gitakdang adlaw.
Apan, kinahanglan sumala pang malukat ang mga binuhing iro sulod sa 3 ka adlaw gumikan kay kung dili kini makuha sulod sa maong panahon ila-ilalom na ang iro sa euthanasia.
Apan sumala kang Pinili, kung makita nila nga pwede ipa-adopt ang iro ila kining ibalhin sa animal rehabilitation center.
Samtang gilauman usab nga mag-operate na ang animal crematorium sa higayon nga moabot na ang makina niini karong tuiga.
