DAVAO CITY – Nag-implementar na ang local nga panggamhanan sa Nabunturan og Checkpoint subay kini sa pagpatuman sa Localized Enhanced Community Quarantine sa tibook purok 3 lakip na sab ang pipila ka bahin sa Purok 2, 4, ug 8 sa Brgy. Mainit sa nahisgutan nga lalawigan.
Aktibo nga naka plastar ang kapulisan sa Nabunturan Police station sa pagpatuman sa Executive order No. 24, series 2021.
Gihimo ang maong lakang aron nga masiguro nga dili na mokaylap pa ang virus ug makontrol kini. Gi awhag usab sa lokal nga panggamhanan ang mga lumulopyo sa maong dapit nga padayong motamod sa mga health protocols nga gipatuman.
Sama nalang sa pagsuot ug tarung sa facemask, pagsuot sa faceshield, kanunay nga maghugas sa kamut ingon man man pag-sanitize, 1 meter social distancing ug kung walay mahinungdanon nga transaksyon sa gawas, mas maayong mag pundo nalang sa panimalay.
