DAVAO CITY – Nakabalik na karon sa ilang lugar ang lima ka mga miyembro sa Ata-Manabo tribe nga gihatud sa Regional- Pulis Sa Barangay dihang nakadesisyon ang mga nahisgutan nga mobiya na sa Haran compound.
Una ng giila ni Brigadier General Filmore Escobal, director sa Police Regional Office 11, ang mga Manobos nga sila si Dancena Tausan Bago, 20 anyos, residente sa Sitio Sambulungan, Barangay Palma Gil.
Ang nahisgutan maoy kapuyo sa usa ka Maui Bago nga adunay standing Warrant of arrest gumikan sa kasong murder ug kasamtangan pa nga nagtago sulod sa UCCP Haran.
Kauban niini nga miuli sa ilang lugar ang usa ka Renlan Bago- 7 months (anak ni Dancena), Samila Apoga, 47 anyos, taga Sitio Banwalay, (sister-in-law ni Datu Gibang Apoga), Aperit Apoga, 8 anyos (apo ni Samila), Kangga Salangani, 14 anyos taga Sitio Nalubas.
Susama nga residente ang mga nahisgutan sa Barangay Palma Gil, Talaingod Davao del Norte.
Gikanayong ang desisyon sa mga Ata Manobos nga mouli sa ilang pinuy-anan ang resulta sa gihimong pagpaningkamut sa R-PSB sa Regional-Police sa Barangay Nasilaban sa pag-kumbinsi sa IP community sa nahisgutan nga dapit nga mohimo ug mga lakang ug kumbinsihon ang ilang mga kabanay nga mobiya na sa Haran.
Apan gibutyag sa Talaingod LGU nga kinahanglan una nga ipailalom ang mga nahisgutan sa quarantine ug processing ayha kini papali-on sa ilang lugar ug magpahigayon sab ug custodial debriefing sa IPs sa mosunod nga mga adlaw.
