Dalan sa Paquibato nga nakasinate ug landslide, passable na

DAVAO CITY – Nagpahigayon gilayon ug clearing operation sa kalsada sa Crossing Malabog, Brgy. Malabog, Paquibato District human ang nasinatian nga pagdahili sa yuta kagabie sa nahisgutan nga dapit hatud sa walay undang nga pagbundak sa ulan.

Gikanayong mihumok ang yuta ug mitabon kini sa dalan hinungdan nga nalisdan ang mga motorista sa pag-agi sa lugar.

Hinuon nagpadala gilayon ug mga ekipo ang lokal nga kagamhanan sa nahisgutan nga dapit aron nga magpahigayon ug clearing operation diin sa kasamtangan passable na kini sa mga sakyanan.

Kanunay ang pahimangno sa otoridad nga mag-igmat sanglit padayon karon ang mga pag-ulan nga maoy hinungdan sa paghumok sa yuta.