DAVAO CITY – Anaa na karon sa luwas nga kahimtang ang lima ka mga mananagat halos duruha ka adlaw nga naglutaw-lutaw human nga naunlod ang ilang gisakyan nga bangka atol sa pagkuso-kuso sa Tropical Storm Crising sa milabay nga semana.
Una ng naila ang mga mananagat nga sila si Yolando Gino, 55 anyos; Preceliano Cong, 31 anyos; Arnil Sulas, 28 anyos; Ronie Gino, 30 anyos ug Gilbert Castanares, 42 anyos susama nga residente sa Sarangani Province.
Sa impormasyon gikan sa Baganga, Davao Oriental pauli na unta sa Sarangani ang mga nahisgutan dihang nahitabo ang disgrasya human nga gihapak sa kusog nga balud ang ilang gisakyan nga bangka.
Gikanayong wala nagkabulag ang mga nahisgutan bisan nga kusog ang balud human nga gipanghiktan nila ang ilang mga kamut.
Naluwas lamang ang mga mananagat dihang adunay mi-agi nga laing bangka sa baybayon.
Ayha gidala ang mga nahisgutan paingon sa Mati City LGU ang mga biktima. Gikatakda sab nga dad-on pabalik sa Sarangani ang mga nahisgutan aron nga makabalik na sa ilang tagsa-tagsa ka mga pamilya.
