DAVAO CITY – Laoman nga mas daghanan na nga mga senior citizen ang mabakunahan sa dakbayan sunod semana gumikan kay daghanan pa nga mga site sa matag distrito ang ablihan.
Sumala pa kang Dr. Ashley Lopez, head sa City Health Office (CHO), daghanan na nga mga bakuna ang miabot karon sa dakbayan hinungdan nga daghanang mga senior citizen na sab ang mabakunahan.
Target sa CHO ang 3,000 ka mga tigulang nga mabakunahan matag adlaw sugod sa mosunod nga semana.
Ablihan na sab sumala pa ang mga District health center kini aron nga dili na moadto sa downtown ang mga tigulang ug didto na lamang magpabakuna.
Nasayran nga adunay 353,258 ka mga tigulang sa Davao region ang plano nga mabakunahan diin sa nahisgutan nga ihap pinakadaghan ang sa Davao City nga adunay kapin 100 thousand ka mga tigulang.
Sa kasamtangan, anaa na sa kapin 3,000 ka mga tigulang ang nabakunahan na dinhi sa dakbayan. Una ng nanawagan ang ahensiya nga pahimuslan ang kahigayonan kung moabot na ang bakuna gumikan kay alang lamang kini sa kaayohan sa tanan.
