DAVAO CITY – Tumang kalipay ang gibati sa mga senior citizens nga nabakunahan na batok covid 19. Karong adlawa, pormal nang gisugdan sa lokal nga kagamhanan sa dakbaayn sa dabaw ang covid 19 vaccination rollout niini alang sa mga tigulang nga nag-edad ug 60 anyos pataas.
Gikanayon ni Dr. Josephine Villafuerte, head sa Davao City Vaccination Cluster, sugdan nila ang pagbakuna sa mga senior citizens karong adlawa gamit ang bakuna gikan sa china nga mao ang sinovac vaccine.
Target sumala pa nila nga mabakunahan ang moabot sa 150 ka mga senior citizen sa matina aplaya elementary school. Gawas sa nahisgutang tulunghaan, gipahigayon usab karong adlawa ang unang adlaw sa pagbakuna sa dul-an dos sientos ka mga senior citizens sa usaka mall sa Lanang ning syudad.
Samtang ugmang adlawa abrihan usab sa lokal nga kagamhanan ang lain pang vaccination hub alang sa mga senior citizens sa Calinan central elementary school ug mas daghanan pang mga vaccination sites ang gikatakdang abrihan sa mosunod nga mga semana.
Subay sa datus sa lokal nga kagamhanan kinatibuk-ang 93,468 ka mga senior citizens ang na sa master list niini kinsa buot magpabakuna batok covid 19.
