DAVAO CITY – Mikabat na matud pa karon sa 36,000 ka mga benepisiyaryo sa ‘Work for Davao’ ang nakadawat na sa ilang cash subsidy alang sa community work dinhi sa dakbayan sa Davao ilalom sa gipatuman nga livelihood program alang sa mga dabawenyo.
Sagad sa mga nahisgutan ang nawad-an ug trabaho gumikan sa Covid-19 pandemic.
Una ng gibutyag ni Presidential Commission for the Urban Poor (PCUP) Commissioner Norman Baloro ug in-charge sa Davao Special Project Office nga anaa na sa 85 porsyento na sa 42,915 beneficiaries ang nakapahimulos sa programa.
Gitambagan sab sa opisyal ang mga recipients sa programa nga kinahanglan masayud kini sa ilang schedules ug mga rekisitos nga gikinahanglan alang sa payout kini aron nga mahatag gilayon kini.
Gikanayon ni Baloro nga pipila sa mga dabawenyos ang mi-avail sa ilang upat ka oras matag adlaw sulod sa napulo ka adlaw nga community work program diin kalakip sa mga nakapahimulos niini ang mga senior citizens, batan-on nga edad 18 anyos pataas, persons with disabilities (PWDs), ug single parents.
