DAVAO CITY – Nanghinaut si Dr Ricardo Audan, ang OIC sa Southern Philippines Medical Center (SPMC) nga mamahimo kining inspirasyon sa katawhang Pilipino nga magpabakuna batok Covid-19.
Kahinumdoman nga Mismo si DOH secretary Francisco Doque III ang mituplok sa sinovac vaccine kang Dr. Audan kagahapong adlawa atol sa vaccination sa syudad. Gipasigarbo ni Audan, nga kini ang pinaka-una nga tawo nga nakadawat sa bakuna batok covid 19.
Gitino sa opisyal nga wala kini nasinatiang laing gibati sa lawas sulod sa 30 minutos nga post vaccination post. Sumala ni Audan dili tiaw ang iyang kahinam nga mabakunahan gamit ang bakuna nga gama sa nasud China nga mao ang Sinovac Vaccine atol sa opisyal nga launching sa vaccination campaign nga gititulahan og “Resbakuna Kasangga ng Bida, nga gipahigayon sa Molecular biology laboratory sa SPMC.
Dugang pa niini nga tinguha niya nga magsilbi nga modelo ngadto sa iyang mga kaubanang medical frontliners partikular na kadtong mga nagduha-duha ug nahadlok nga magpatuplok sa sinovac vaccine.
Padayon gihapon ang panawagan sa otoridad sa katawhan nga magpabakuna batok Covid-19.
