DAVAO CITY – Isaulog na karong adlawa ang 84th Araw ng Dabaw pinaagi online, kini gumikan sa padayon nga bahad sa Covid-19. Kahinumdoman nga Misumite ang lokal nga kagamhanan og request arong himuong Special non-working holiday ang Marso 1, 2021 isip pagsaulog sa Araw ng Dabaw karong tuiga.
Una ng gibutyag ni Executive Secretary Salvador C. Medialdea, kinsa milagda sa Proclamation No. 1106 niadtong February 24, insakto lamang kini aron hatagan ang katawhan sa dakbayan ug kahigayunan sa pagsaulog ug pagsalmot sa mga seremonyas uban sa pagtuman sa mga public health measures.
Na-una nang gikanayon ni Mayor Inday Sara Duterte Carpio nga sugdan ang kasaulugan pinaagi sa flag cerfemony alas 8 karong buntag ngadto sa City Hall of Davao grounds nga sundan sa usaka Misa Pasasalamat (Thanksgiving Mass) nga tambungan sa mga department heads sa kagamhanan alas 10 sa buntag sa San Pedro Cathedral.
Gitino sab sa Mayor nga ang flag raising ceremony ug Misa Pasasalamat mao lamang kini ang ipahigayon nga face-to-face activities apan pagatambungan lang kini sa limitadong ihap sa government officials.
Milusad na sab ang kagamhanan og Facebook Page nga ARAW NG DABAW 2021 aron ngadto makita ang mga aktibidad nga gi-andam subay sa pagsaulog karong adlawa.
