DAVAO CITY – Gibutyag ni Atty. Ben Tesiorna, legal Chief sa Philippine Drug Enforcement Agency (PDEA) 11 nga aduna pa silay grupo karon nga gibantayan human ang pagkasikop sa mag-igaw nga sila si Christian Cajoles Sulla, 24 anyos ug Kenneth Cajoles, 19 anyos atol sa gilusad nga operasyon sa ahensiya sa El Rio Vista Village, Phase 4, Barangay 19-B diin narekober sa mga nahisgutan ang usa ka milyon ka piso nga kantidad ecstasy.
Una ng nasayran sa PDEA-11 nga dugay nila nga gipanid-an ang mga suspek sa ilang illegal nga aktibidad ayha nila gilusad ang pagsikop sa mga nahisgutan.
Nasayran sab kang Atty. Tesiorna na halos usa ka tuig na sa ilang operasyon ang mga suspek ug online sumala pa ang gihimong transaksiyon sa mga nahisgutan hinungdan nga usa kini sa ilang panubayan.
Una ng nasayran nga ikaduhang higayon pa kini nga nakasikop ang ahensiya ug mga indibidwal nga namaligya ug ecstasy diin ulahi sila nga nakasikop kaniadtong tuig 2009.
Nasayran sab nga gikan pa sa nasod Germany ang parcel nga gi-undan sa mga illegal party drugs.
