DAVAO CITY – Aprubado na karon sa Food and Drug Administration in the Philippines (FDA) ang emergency use authorization sa Covid-19 Vaccine AstraZeneca (ASZD1222) sa nasod alang sa pagbakuna sa mga hamtong.
Sa gipagula nga pahayag AstraZeneca, gikanayon niini nga aprubado ang bakuna alang sa active immunization sa mga indibidwal nga 18 anyos pataas aron nga dili matakdan sa coronavirus disease (Covid-19).
Sa ulahing listahan, anaa sa 39 local government units ug pipila ka mga 300 private companies ang milagda ug tripartite agreement tali sa AstraZeneca ug sa gobyerno alang sa pagpalit sa dul-an sa 17 million doses sa Covid-19 Vaccine.
Pipila sa mga local government units (LGUs) nga plano mopalit ug bakuna ang gilangkuban sa Manila, Valenzuela City, Iloilo City, Caloocan City, Zamboanga City, Pasig City, Baguio City, Las Piñas City, Ormoc City, Parañaque City, Ilocos Norte, Oroquieta City, Vigan City, Navotas City, Muntinlupa City, Bacolod City, Mandaluyong City, San Juan City, Taal City, Davao City, Taguig City, ug Pasay City.
