DAVAO CITY – Dungan sa post-holiday surge sa Covid-19 cases, plano karon sa lokal nga kagamhanan nga mosumite og specimens sa Research Institute for Tropical Medicine (RITM) sa Manila aron madetermina kung adunay bag-o nga Covid-19 variant ang nakasulod na karon sa dakbayan sa Davao.
Una ng gibutyag ni Davao City Covid-19 focal person Dr. Ashley Lopez nga nabalaka si National Task Force (NTF) Covid-19 Chief Implementer Secretary Carlito Galvez sa padayon nga pagsaka karon sa Covid-19 sa siyudad hinungdan nga gimandoan niini ang lokal nga kagamhanan nga mosumite pa gihapon og specimens sa RITM aron nga makapahigayon og genomic testing.
Tungod niini, gibutyag ni Lopez nga mosumite ang siyudad og specimens sa Covid-19-positive patients nga gikuha sa tibuok bulan sa Enero aron masiguro nga wala pa ang bag-ong variant sa Covid-19.
Una ng gibutyag sa nahisgutan nga mamahimong mabati hangtud sa tunga-tunga nga bahin sa Pebrero ang pagsaka sa kaso sa Covid-19.
VIA // Bombo Emman Dela Peña
