DAVAO CITY – Nagpatuman karon ug hugtanon nga seguridad ang pamunoan sa Davao City Overland Transport Terminal (DCOTT) kini aron masiguro ang seguridad sa mga pasahero.
Tipik lamang kini human ang ulahing insidente sa Kidapawan City diin aduna sumala pay gibilin nga eksplosibo sa bus terminal sa nahisgutan nga dapit apan sa ulahi dili kini bomba human nga miresponde gilayon ang otoridad sa maong dapit.
Gumikan kay daghan ug mosulod nga pasahero sa DCOTT, mas hugtanon pa nga mga lakang ang gihimo karon sa terminal ilabi na nga adunay insidente sab sa pagpamomba sa natala sa terminal kaniadto.
Sumala pa kang Aisa Usop, manager sa DCOTT, mas daghan na ang ihap sa mga pasahero nga mosulod karon sa terminal ilabi na nga nadungagan na sab ang biyahe sa kasamtangan.
