DAVAO CITY – Gikalipay sa mga lumad partikular na ang mga Ata-Manobo nga nanimuyo sa Talaingod, Davao del Norte human ang nahimong pahayag sa National Housing Authority Region 11 (NHA-11) nga magtukod sila ug 400 ka mga pinuy-anan alang sa nahisgutan nga mga tribu.
Kahinumduman nga kalakip sa mga misaksi sa ground breaking ang mga miyembro sa Ata-Manobo alang sa Balai Hirogo-Unan housing project sa Sitio Basak, Barangay Sto. Niño sa nahisgutan nga dapit.
Una ng gibutyag ni NHA-11 regional manager, Engr. Zenaida M. Cabiles nga anaa sa 100 ka mga pamilya ang mi-okupa sa nahisgutan nga areas.
Gani ang nahisgutan nga proyekto ang usa lamang sa upat ka mga sites sa lungsod diin tukuran sa NHA-11 ug mga pinuy-anan alang sa mga indigenous peoples (IPs) diin gipondohan kini ug P80 million.
Una na sab nga gi-awhag ni National Commission on Indigenous Peoples (NCIP) Davao del Norte Provincial Director Roger Lumban ang mga Ata Manobos nga suportahan ang mga inisyatibo sa gobyerno nga gigahin alang sa mga nahisgutan.
