DAVAO CITY – Nanawagan si Davao City Mayor Sara Duterte sa uban pang mga miyembro sa New People’s Army nga mas maayong mobalik na lamang sa sabakan sa kagamhanan ug magsugod sa ilang bag-ong kinabuhi.
Una ng gihangyo sa Mayor ang mga kanhi rebelde nga tabangan ang gobyerno nag kumbinsihon ang ilang mga kaubanan nga motahan na lamang sa otoridad dungan sa saad nga tabangan ang mga nahisgutan pinaagi sa paghatag ug financial assistance nga ilang magamit kauban ang ilang pamilya.
Una ng gi-presenta kang Mayor Inday ang mga mitahan nga mga rebelde dala ang ilang mga armas diin gipangunahan ang maong aktibidad nila ni Major General Reuben Basiao, ang 10th Infantry Division commander, ug Brig. Gen. Nolasco Mempin, 1003rd Brigade commander nga nangatungdanan sab isip commander sa city-based Task Force Davao.
