Mayor Inday dili uyon nga pamutlon ang kahoy sa usa ka tulonghaan sa Matina

DAVAO CITY – Dili uyon si Davao City Mayor Inday Sara Duterte-Carpio sa nahimong plano sa Department of Public Works and Highways (DPWH) 11 nga pamutlon ang punoan sa kahoy sa usa ka tulonghaan sa Matina ning dakbayan alang sa planong road widening sa lugar.

Nasayran nga anaa na sa halos 70 ka tuig ang punoan sa narra nga anaa daplin sa kadalanan hinungdan nga daghanang mga environmentalists ang mipakita ug pagbabag sa pagputol niini.

Sumala pa kang Mayor Inday, suportado niya ang panawagan sa mga nagpanalipud sa kinaiyahan.

Mas maayo sumala pa nga mahinayon pa gihapon ang proyekto nga dili kinahanglan makompromiso ang mga gipangtanom nga mga punoan sa kahoy.