DAVAO CITY – Bisan nga nagpadayon na sila karon sa ilang operasyon apan gibutyag ni Janet Grace Fabrero, City Prosecutor sa City Hall of Justice nga kinahanglan ipatuman na nila ang hugtanon nga health protocols kini aron nga dili na mahitabo pa ang ulahing insidente diin ubay-ubay sa ilang mga personahe ang nagpositibo sa covid-19 nga maoy hinungdan nga temperaryo una nga gihunong ang ilang operasyon kaniadtong Oktubre 19 hangtud 31 aron nga ipailalom sa disinfection ang ilang mga buhatan.
Sa kasamtangan naka-skeletal force ang mga opisina sa Hall of justice nga anaa lanag sa 50 porsyento ang tugtan samtang ang uban nila nga mga transaksiyon ang himuon na sa online lakip na niini ang electronic inquest proceedings ingon man hearing.
Apan gitino sa nahisgutan nga aduna pa gihapoy physical submission alang sa mga gikinahanglan nga mga dokumento diin ibilin lamang kini sa gipahimutang nga drop box.
